Dasari-buys-allu-arjun-trivikram-film

బన్ని, త్రివిక్రమ్ చిత్రం రైట్స్ రికార్డు రేటు

అల్లు అర్జున్, త్రివిక్రమ్ కాంబినేషన్ లో రూపొందుతున్న చిత్రం రైట్స్ కు మార్కెట్లో ఓ రేంజిలో క్రేజ్ ఏర్పడింది. ఈ చిత్రం రైట్స్ ని దాసరి నారాయణ రావుకి చెందిన సిరీ మూవీస్ వారు తీసుకున్నారని సమాచారం. ఆంధ్రప్రదేశ్ డిస్ట్రిబ్యూషన్ రైట్స్ క్రింద ఈ మొత్తం చెల్లించారు. అల్లు అర్జున్ చిత్రాల్లో రికార్డు రేటుకు పోయినట్లు సమాచారం. జూన్ లో విడుదలకు ప్లాన్ చేస్తున్న ఈ చిత్రం రొమాంటిక్ ఎంటర్టైనర్ గా చెప్తున్నారు.

ఇలియానా హీరోయిన్ గా చేస్తున్న ఈ చిత్రంలో బ్యాంక్ దోపిడీ సీన్ సినిమాకు హైలెట్ గా నిలుస్తుందని చెప్తున్నారు. అక్కడ జరిగే కామిడీ సినిమాని ఓ హిలేరియస్ గా ఉండి నిలబెడుతుందంటున్నారు. ఇందుకోసం త్రివిక్రమ్ .. అన్నపూర్ణ స్టూడియోస్ లో ఓ స్పెషల్ సెట్ వేయించి చిత్రీకరిస్తున్నారు. డివివి దానయ్య నిర్మిస్తున్న ఈ చిత్రం స్నేహం ప్రధానాంశంగా దొంగతనం నేపధ్యంలో జరుగుతుందని చెప్తున్నారు. బద్రీనాధ్ తర్వాత బన్నీ చేస్తున్న చిత్రం ఇదే. అలాగే త్రివిక్రమ్ కూడా తన ఖలేజా అనంతరం గ్యాప్ తీసుకుని చేస్తున్న చిత్రం ఇదే కావటంతో అన్ని జాగ్రత్తలూ తీసుకుని మాస్ ఎంటర్టైనర్ గా రూపొందిస్తున్నారు.