Wednesday, February 15, 2012

dhoni-fails-make-money


ప్రకాష్ రాజ్ 'ధోని' కలెక్షన్స్ పరిస్ధితి ఏంటి?


ప్రకాష్ రాజ్ డ్యూయెట్ మూవీస్ పతాకంపై స్వీయ దర్శకత్వంలో నిర్మించిన చిత్రం 'ధోని'. మొన్న శుక్రవారం విడుదలైన ఈ చిత్రం అంతటా మంచి టాక్ తెచ్చుకున్నా కలెక్షన్స్ పరంగా చాలా వీక్ గా ఉందని సమాచారచం. ఇరవై నుంచి ముప్పై పర్శంట్ వరకూ ఈ చిత్రానికి వ్యూయిర్ షిప్ వస్తోందంటూ ఓ ఇంగ్లీష్ డైలీ ఈ రోజు కధనం ప్రచురించింది. ధీమాటిక్ ఫిల్మ్ గా ఈ చిత్రం మేధావులు ప్రశంసలు అందుకుంటున్నా సామాన్యుడుని అలరించటంతో ఇది మిస్సవుతోంది. ముఖ్యంగా సినిమాలో రెగ్యుల్ స్టార్ లేకపోవటం కూడా సినిమాకు మైనస్ గా మారిందని అంటున్నారు.

ఈ చిత్రంలో పూరి జగన్నాథ్‌ కొడుకు ఆకాష్‌.. కార్తిక్ గా ప్రధాన పాత్రను పోషించాడు. ఇక ఈ చిత్రం స్టోరీ లైన్ .. కార్తీక్‌ తొమ్మిదో తరగతి విద్యార్థి. పన్నెండో ఎక్కం రాదు. కానీ ధోని సగటు ఎంతో కచ్చితంగా చెప్పేస్తాడు. దూరం, కాలం ఇలాంటి లెక్కలు రావు. కానీ ఇషాంత్‌ శర్మ విసిరిన బంతి ఎన్ని మైళ్ల వేగంతో ప్రయాణిస్తుందో చెప్పగలడు. బంతి బరువెంత? బ్యాటు పరిమాణం ఎంత? ఇవన్నీ సరిగ్గా తూకమేసినట్టు వల్లిస్తాడు. మొత్తమ్మీద పుస్తకాల మీదకంటే... మైదానంలో క్రికెట్‌ ఆటపైనే ఆసక్తి. ఈ ప్రేమను కార్తీక్‌ నాన్న సుబ్రహ్మణ్యం అర్థం చేసుకొన్నాడా? కార్తీక్‌ 'ధోని'లా ఎదిగాడా? లేదా? అన్న విషయాల చుట్టూ కధ నడుస్తుంది. మరాఠీలో మహేష్ ముంజ్రేకర్ చేసిన చిత్రం ఆధారంగా ఈ సినిమాని ప్రకాష్ రాజ్ రూపొందించారు. ఈ చిత్రంలో రాధిక ఆప్టే, తనికెళ్ల భరణి, నాజర్‌, మురళిశర్మ, ఆనంద్‌, హేమ, శ్రీతేజ, మెల్కోటే తదితరులు నటించారు. ఛాయాగ్రహణం: కె.వి.గుహన్‌, పాటలు: సీతారామశాస్త్రి, సంగీతం: ఇళయరాజా.

No comments:

Post a Comment