Tapsi-demanded-more-remuneration

సూర్య-రవితేజ మూవీ నుంచి తాప్సీని తప్పించారా?

సూర్య, రవితేజ కాంబినేషన్లో తమిళ దర్శకుడు వెంకట్ ప్రభు ఓ తమిళ సినిమాను రూపొందిస్తున్న సంగతి తెలిసిందే. సూర్య ప్రధాన హీరో కాగా, రవితేజ సెకండ్ హీరోగా కనిపించబోతున్నాడు. ఈ చిత్రానికి యువన్ శంకర్ రాజా సంగీతం అందిస్తున్నారు. ఈ సినిమాలో సూర్య సరసన సోనమ్ కపూర్, రవితేజ సరసన తాప్సీ ఖరారు అయినట్లు ఇటీవల వార్తలు వినిపించాయి. అయతే తాప్సీ మాత్రం ఈ సినిమాలో నేను నటించడం లేదు, ఈ వార్త ఎలా వచ్చిందో తనకు తెలియదు అంటోంది.

అయితే ఆ చిత్ర యూనిట్ సభ్యుల నుంచి వినిపిస్తున్న వార్తల ప్రకారం రవితేజ సరసన తాప్సీని తీసుకోవాలని అనుకున్నామని, ఈ మేరకు ఆమెతో సంప్రదింపులు కూడా జరిగాయని, ఈ క్రమంలోనే విషయం మీడియాకు లీకైందని అంటున్నారు. కానీ తాప్సీ భారీగా రెమ్యూనరేషన్ డిమాండ్ చేస్తుండటంతో ఆమెను తప్పించారనే వార్తలు వినిపిస్తున్నాయి.

తాప్సీ ప్రస్తుతం తెలుగులో మూడు చిత్రల్లో నటిస్తోంది. మంచు లక్ష్మి నిర్మిస్తున్న గుండెల్లో గోదారి చిత్రంలో మఖ్యమైన పాత్రలో కనిపించబోతోంది. దీంతో పాటు రవితేజ హీరోగా రూపొందుతున్న దరువు చిత్రంలో మెయిన్ హీరోయిన్ గా నటిస్తోంది. ఈ చిత్రంతో పాటు వెంకటేష్ హీరోగా రూపొందుతున్న ‘షాడో’ చిత్రంలో వెంకీ సరసన రొమాన్స్ చేయనుంది.