aishwarya-rai-pair-up-with-pawan-kalyan

పవన్ సరసన పెళ్లైన హీరోయిన్ ఎంపిక!?

పవన్ కళ్యాణ్ తాజా చిత్రం ‘కెమెరామెన్ గంగతో రాంబాబు’ రోజుకో కొత్త వార్తతో వేడిక్కుతోంది. ఈ చిత్రంలో హీరోయిన్ గా ఐశ్వర్య రాయ్ ని పెట్టనున్నట్లు వార్తలు వస్తున్నాయి. ఆమె గతంలో అంటే 13 సంవత్సరాల క్రితం తెలుగులో రావోయి చందమామ చిత్రంలో ఐటమ్ సాంగ్ చేసింది. ఇక ఈ వార్త ..రూమర్ అయ్యే అవకాసం ఉందని అంటున్నారు. దానికి కారణం అమితాబ్ తో బుడ్డా చిత్రం చేసిన పూరికి వారి సంస్ధ నుంచి రావాల్సిన ఎమౌంట్స్ ఇంకా సెటిల్ కాలేదు. అలాంటి పరిస్ధితుల్లో ఆమెను ఎందుకు తీసుకుంటారని అంటున్నారు. ఈ చిత్రంలో పవన్ కళ్యాణ్ ఎలక్ట్రానిక్ మీడియా జర్నలిస్టుగా కనిపించబోతున్నాడు.

మే నెలలో ఈ చిత్రం షూటింగ్ ప్రారంభం కానుంది. గతంలో బంగారం సినిమాలోనూ పవన్ కళ్యాణ్ మీడియా జర్నలిస్టు పాత్రలో కనిపించిన విషయం తెలిసిందే. యూనివర్సల్ మీడియా బ్యానర్ పై డివివి దానయ్య ఈ చిత్రాన్ని తెరకెక్కిస్తున్నారు. పవన్ కళ్యాణ్ సరసన కాజల్ ఎంపికైనట్లు తెలుస్తోంది. మేలో షూటింగ్ ప్రారంభం అయి, దసరా నాటికి సినిమా ప్రేక్షకుల ముందుకు వచ్చే అవకాశం ఉంది.