Friday, February 17, 2012

seethamma-vakitlo-sirimalle-chettu-latest-info


'గ్రీకు వీరుడు' టైప్ లో మహేష్ పై సాంగ్


ఆరడుగుల అందగాడు.. వచ్చేనా నాతో...ఏడుగులు నడిచేనా అనే పాటను సమంతపై రీసెంట్ గా సీతమ్మ వాకిట్లో సిరిమల్లె చెట్టు కోసం చిత్రీకరించారని తెలుస్తోంది. ఈ పాట..నిన్నే పెళ్లాడతా చిత్రంలో నాగార్జున ని ఉద్దేశిస్తూ టబు పాడే గ్రీకు వీరుడు తరహా పాటలాగ ఉండబోతుందని సమాచారం. అటు సమంత పాడుతూంటే ఇటు మహేష్ ఇంట్రడక్షన్ జరుగుతుందని చెప్తున్నారు. ఇక ఈ నెల 16 నుంచి మహేష్ షూటింగ్ లో పాల్గొననున్నారు. ఇప్పటికి ఫస్ట్ షెడ్యూల్ పూర్తైంది. 16 నుంచి సెకెండ్ షెడ్యూల్ మొదలవుతుంది. ఇక మహేష్, వెంకటేష్ కాంబినేషన్ లో శ్రీకాంత్ అడ్డాల రూపొందిస్తున్న చిత్రం సీతమ్మ వాకిట్లో సిరిమల్లె చెట్టు.

దిల్ రాజు నిర్మిస్తున్న ఈ చిత్రంలో మహేష్ సరసన సమంతను ఎంపిక చేసారు. సంగీత దర్శకుడు మిక్కీజే మేయర్ ఈ చిత్రం కోసం రెండు పాటలను ఆల్రెడీ సిద్దం చేసారు. అతను శ్రీకాంత్ గత చిత్రం కొత్త బంగారు లోకం కోసం కూడా సంగీతం అందించారు. అనంత శ్రీరామ్ ఈ చిత్రానికి పాటలు రాస్తున్నారు. మహేష్ బాబు ఫేవెరెట్ కెమెరామెన్ గుహన్ ఈ చిత్రానికి కెమెరా అందిస్తున్నారు. గుహన్ ఇంతకుముందు అతడు, దూకుడు చిత్రాలకు ఛాయాగ్రహణం అందించారు. అలాగే మహేష్, వెంకటేష్ అన్నదమ్ములగా కనిపించనున్నారని, ఇది ఓ ఫ్యామిలీ ఎంటర్టైనర్ అని చెప్తున్నారు. అలాగే ఈ చిత్రంలో ప్రకాష్ రాజ్ కీలకపాత్రకు ఎంపిక చేసారు. సీతమ్మ వాకిలి.. అంటే భారతదేశం, సిరిమల్లె చెట్టు.. అంటే కుటుంబం అని కాన్సెప్టు తో ఈ చిత్రం నిర్మితమవుతోంది.

No comments:

Post a Comment