mahesh-sukumar-based-on-venky-sundarakanda

వెంకీ సినిమా ఆధారంగా...మహేష్-సుకుమార్ మూవీ?

మహేష్ బాబు, సుకుమార్ కాంబినేషన్లో త్వరలో ఓ సినిమా రూపొందబోతున్న సంగతి తెలిసిందే. ఈ చిత్రంలో మహేష్ బాబు లెక్చరర్ పాత్రలో కనిపించనున్నాడు. స్వతహాగా లెక్చరర్ నుంచి దర్శకుడిగా మారిన సుకుమార్‌కు కాలేజీ బ్యాగ్రౌండ్ స్టోరీలను పర్ ఫెక్టుగా హ్యాండిల్ చేస్తాడనే మంచి పేరుంది. అయితే తాజాగా ఈ సినిమాపై ఓ పుకారు మొదలైంది. గతంలో విక్టరీ వెంకటేష్ హీరోగా వచ్చిన సూపర్ హిట్ మూవీ ‘సుందరకాండ’ సినిమా ఆధారంగా ఈ చిత్రం రూపొందిస్తున్నారని, ఆ సినిమాలో మాదిరి ఇందులో లెక్చరర్ గా నటిస్తున్న మహేష్ బాబుకు, స్టూడెంట్ కు మధ్య ప్రేమాయణం ఉంటుందని, స్టోరీ కూడా ఆ సినిమాకు దగ్గరా ఉంటుందనే గాసిప్స్ వినిపిస్తున్నాయి. మరి ఈ వార్తలో నిజం ఎంతో ఇప్పుడే చెప్పడం కష్టమే. 14 రీల్స్ ఎంటర్‌టైన్మెంట్ బ్యానర్‌పై ‘దూకుడు’ నిర్మాతలు ఈ చిత్రాన్ని ప్రొడ్యూస్ చేస్తున్నారు.

ప్రస్తుతం మహేష్ బాబు శ్రీకాంత్ అడ్డాల దర్శకత్వంలో ‘సీతమ్మ వాకిట్లో సిరమల్లె చెట్టు’ చిత్రంలో నటిస్తున్నాడు. విక్టరీ వెంకటేష్ కూడా ఇందులో మరో హీరోగా నటిస్తున్నాడు. మహేష్ సరసన సమంత, వెంకీ సరసన అంజలి హీరోయిన్లుగా ఎంపికయ్యారు. ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్‌పై ఈ చిత్రాన్ని నిర్మిస్తున్నారు.