siddharth-love-failure-gets-no-cuts

సిద్ధార్థ ‘లవ్ ఫెయిల్యూర్’ సెన్సార్ రిపోర్టు జీరో...!

సిద్ధార్థ-అమల పాల్ జంటగా రూపొందుతున్న ‘లవ్ ఫెయిల్యూర్’ చిత్రం సెన్సార్ పూర్తి చేసుకుంది. ఈ సినిమా జీరో కట్స్ తో క్లీన్ ‘యు’ సర్టిఫికెట్ సంపాదించుకుంది. పిబ్రవరి 17న ఈ చిత్రం విడుదల చేసేందుకు సన్నాహాలు చేస్తున్నారు. ఈ సినిమా నిర్మాతల్లో ఒకరైన హీరో సిద్ధార్థ స్వయంగా ఈచిత్రాన్ని ఆంధ్రప్రదేశ్ లో విడుదల చేసుకుంటుండగా....నిర్మాత బెల్లంకొండ సురేష్ అతనికి సహాయం చేస్తున్నాడు. బాలాజీ మోహన్ ఈ చిత్రానికి దర్శకత్వం వహించారు. ప్రముఖ యువ సంగీత దర్శకుడు థమన్ సంగీతం సమకూర్చాడు.

కె.వేణుగోపాల్‌, సిద్ధార్థ్‌ సంయుక్తంగా నిర్మిస్తున్న ఈ చిత్రం ఆడియో రీసెంట్ గా విడుదలై మంచి టాక్ తెచ్చుకుంది. సిద్దార్ధ ఈ చిత్రంపై చాలా కాన్ఫిడెంట్ గా ఉన్నారు. ఆయన మాట్లాడుతూ...ప్రేమలో నేను చాలాసార్లు విఫలమయ్యాను. అందుకే ఈ కథలో చక్కగా ఇమిడిపోయాను. ప్రేమలో ఉన్నవాళ్లు, ప్రేమించాలని భావించేవాళ్లు ఈ చిత్రాన్ని చూస్తే తప్పకుండా తగిన ఫలితం దొరుకుతుందని చెప్పుకొచ్చాడు.

ఈ చిత్రం కథ విషయానికొస్తే....అమలా పౌల్ పార్వతి అనే పాత్రను పోషిస్తోంది. ఆమెకు అందం, తెలివితేటలు.. రెండూ ఎక్కువే. అందుకే ఆమెపై సిద్దార్ధ అనే కుర్రాడు మనసుపడతాడు. దేవదాసు తరహాలో ప్రేమిస్తాడు. అయితే ఆమె మాత్రం కుదరదని, అలాంటివి తనకు ఇష్టం ఉండవని తేల్చి చెప్పింది. అలాంటి పరిస్దితుల్లో ఆ భగ్నప్రేమికుడు ఎలాంటి నిర్ణయం తీసుకున్నాడనేదే మిగతా కథ.

ప్రస్తుతం సిద్ధార్థ్ అలామొదలైంది ఫేం నందినీరెడ్డి దర్శకత్వంలో ఓ సినిమాలో నటిస్తున్నాడు. ఇందులో సిద్ధార్థకు జంటగా సమంత నటిస్తోంది. బెల్లకొండ సురేష్ నిర్మాత. ఇటీవలే ఈచిత్రం లాంఛనంగా ప్రారంభం అయింది.